بروستد مقرمش يمي يمي وبالصور

ام سلطان السبت يناير 29, 2011 5:28 pm

السلام عليكم جميع حبايبي
اليوم عملت بروستد دجاج بس طلع حاجه فوق الخيال
مقرمش وهش وما حصلش وشكله ولا اللي في المطاعم
الصراحه عمري ماعملته زي هالمره لاني هدي المره
زدت عليه طريقه المهم اني راح ابدي كتير حكيت اليوم
المقادير:
دجاجه او حسب ما تحبي مقطعه 4 قطع
البهار(كمون-فلفل اسودوشطه-زنجبيل بودره- ملح-قرفه)
خل-ميه بصل-2/1و1كوب دقيق-2/1و1م ك بيكنج باودر
بيضتين- لتر زيت للقلي
بسم الله....
الطريقه:-
اول شيء بنغسل الدجاج كويس وبصفيه من الميه
وبننقعه شويه بالخل وميه البصل وبعدين بنصفيه
بعد هيك بنحط عليه البهارات وبنغطيه وبنحطه ساعتين
او اكتر بالتلاجه وكل ما زادت المده بيكون احسن

وبعدين بنطلعه من التلاجه وبنحط عليه كميه من
الدقيق وبنكبسه بايدنا وبنحطه حوالي 2/1ساعه بالتلاجه

وبعدها بنطلعه بنكون خفقنا البيض بنغمس القطع
بالبيض وبعدين بالدقيق والبكنج باودر اللي عندنا

وبنكبس بايدن عليها حتى تصير طبقه الدقيق كبيره
وماسكه بالدجاج كويس وهدي الطريقه زياده اني
برجع اغطيه واحطه بالتلاجه 2/1 ساعه تانيه
لحد ما تطلع الميه بتاعته وهدا اللي بيزيد القرمشه

بنقليه بزيت غزير جدا بوعاء عميق وبنخلي النار
متوسطه عليه وبنغطيه بدو حوالي 4/1 ساعه بيكون
استوى وصار لونه ذهبي رائع

بنطلعه من الزيت وبنفرده على ورق ابيض او ورق سفره

وهدا شكله النهائي

وهدي البطاطا اللي عملتها معها

وهدي السلطه

والله يا جماعه طلع روعه وقرمشته لزيزه
وانشالله بتجربوه بنفس الخطوات وبتدعولي
وهنا وعافيه للجميع وانشالله بيعجبكم